Na Tonny Alphonce, Mwanza
Jeshi la
Magereza nchini limesema katika msimu ujao wa kilimo limejipanga kuzalisha
mazao ya muhimu kwa asilimia isiopungua 100 ya mahitaji ya jeshi la magereza na
ziada itakayopatikana itapelekwa kwenye vyuo na sekondari za serikali.
Akizungumza katika
zoezi la utoaji nishani kwa askari magereza 302 wa kanda ya ziwa tarehe 23/05/2024, kamishina Jenerali wa Jeshi la Magereza (CGP), Mzee Ramadhani Nyamka kwa niaba ya amiri jeshi mkuu
rais Salimia Suluhu Hassan amesema mazao
hayo muhimu wanayotarajia kuzalisha katika msimu ujao ni mahindi na mpunga wa
kutosha ili kulisha magereza zote nchini
na kupatikana ziada itakayosaidia kada zingine.Amesema katika
kuhakikisha uzalishaji unaongezeka jeshi la magereza tayari limeanzisha skimu
za umwagiliaji katika baadhi ya magareza nchini ukiwemo mradi mkubwa wa kilimo
cha mpunga katika gereza la idete mkoani morogoro ambapo ujenzi umefikia asilimia
70 na utakapokamilika utakuwa na uwezo wa kutosheleza mahitaji ya jeshi la
magereza kwa asilimia 80.Kwa upande
wa dhana ya urekebishaji wa wafungwa nchini amesema tayari jeshi la magereza
nchini limechukua hatua ya kuimarisha programu za urekebu kwa kupitia upya
mitaala na kupendekeza mitaala mipya ambayo imeishapelekwa kwenye mamlaka zinazo
husika na zikipitishwa zitaanza kufanya kazi zikiwa na lengo la kuboresha program
za urekebu zitakazowasaidia wafungwa wakitoka waweze kumudu maisha na kufanya
shunguli za kiuchumi na kuchangia katika maendeleo ya taifa.
Nishani ambazo
mheshimiwa rais amezitoa ni pamoja na nishani ya muungano daraja la nne,nishani
ya utumishi uliotukuka,nishani ya utumishi wa muda mrefu na nishani ya nne ni nishani ya utumishi wa muda mrefu na tabia njema.
Kanda ya ziwa ni kanda ya tatu katika mgawanyo ambao kamishina Jenerali wa Jeshi la Magereza (CGP), Mzee Ramadhani Nyamka amepanga kuwavisha nishani askari magereza kwa niaba ya mheshimiwa rais na amiri jeshi mkuu.
No comments